WhatsApp

كنعد بالتفصيل

Posted By: Mukhamed Iskhakov In: Fishing On: Comment: 0 Hit: 389

كنعد بالتفصيل


حفضل احاول :
كنت قاعد بليل برتب العده و بفتح علب اللورات بتاكد من كل لور ان الهوكات سليمه بعدين لقيت تلات لورات بره العلبه ماستخدمتهمش قبل كده  و لقيت وسطهم لور شكلو عاجبني .
قولت اخدو اجربو , و فعلا تاني يوم الصبح وصلت المكان و ابتديت اعمل كاست يمين و شمال لحد ما حصلت حركه في المايه قدامي , سمك اسمو (صيما) زي ما يكون حاجه ضربته كانه طار بره المايه .
رحت على علبه اللورات و اخدت اللور الي حطيتو امبارح و رميت , هنا بقى الاثاره .. انا بسحب اللور بسرعه متوسطه مع تويتشات متقطعه , شوفت حاجه بتلحق اللور  ظهر تاثيرها على سطح المايه , وكأن السمكه بتشق المايه عشان تاكل اللور بس مستنيه اللحظه المناسبه , رحت موقف سحب!

بوووووم , السمكه اكلت اللور وابتدت تقام مقاومه المكينه و صوت المكينه ابتدى يعلى, الخيط اتشد و القصبه اتقوصت .
السمكه بتقاوم, يمين و شمال , بتهز راسها. بقوه عشان تتخلص من الهوكات !! بس خلاص انا ثبتهم.

هنا بقى انا ابتديت اسحب , لحد ما ظهرت قدامي على وش المايه ....... كنعد! 
,
احسن هديه ممكن الصياد  ياخدها هي السمكه الي على طول بيطاردها , و الكنعد سمكه الناس كلها بتطاردها , صيدها من الشاطئ من الحاجات الممتعه جدا, و المتعه بتمتد لبعد الصيد حتى .

حفضل ادور عليها لحد ما اصطاد اكبر من الي قبلها, حفضل احاول لحد ما...... مش حبطل احاول .

احمد كمال 

فريق جيجهيد

Comments

Leave your comment